ابنك عنده صعوبة في الاعراب
ابنك عنده صعوبة في الاعراب

إبنك ضعيف في الإعراب الموضوع بسيط لكن محتاج بعض الخطواط

أبنك بيعاني من ضعف الإعراب

لو ابنك عنده صعوبه في الاعراب مبيعرفش يعرب تعالي اعلمك طريقه سهله يعرف بيها الاعراب

في بداية الامر لازم نركز شويه واحنا بنقرا الجمله الي قدامنا ونعرف ان كل كلمه مرتبطه بالي قبلها

الي حنقوله ثابت معانا من سنه رابعه لسنه خامسه وسنه سنه في كلام ذياده شويه

** نشوف الكلمه الي حنعربها حتكون نوع من ثلاثه

اولا فعل  وده نعربه كالاتي

١-لوفعل ماضي يبقي اعرابه فعل ماضي مبني علي الفتح

٢-لو فعل مضارع اعرابه يكون فعل مضارع مرفوع وعلامه رفعه  الضمه  > لو الفعل  ليس مثني او جمع

٣_لوفعل أمر يبقى إعرابه فعل أمر مبنى على السكون

ثانيا حرف ودا قليل لما بيجي إعراب المهم هتقول نوعه؛ حرف جر ، أو هيكون : حرف عطف.

ثالثا اسم خد بعضك كدا خطوة ورا وبص على اللي قبله.

لو وجدته مفيش قبله وهو أول كلمة في الجملة يبقى إعرابه: مبتدأ مرفوع وعلامة رفعه الضمه. وده في سنه رابعه.

اما سنه خامسه والي بعدها علامه الرفع حسب الكلمه مثني او جمع .

ولو هو أول الجملة وقبله بس حرف عطف ، متخفش الحرف العطف مش هيأثر فيه؛ فإعرابه أيضًا مبتدأ.

لو لقيت قبله اسم مبتدأ وهو مكمل معنى الجملة: يبقى إعرابه: خبر مرفوع وعلامة رفعه ………… (حسب نوع الكلمة ، ودا خاص بخامسة) أما رابعة عندكم علامة الرفع الضمة بس

ولو قبله حرف جر: يبقى إعرابه : اسم مجرور وعلامة جره …….. ( حسب نوع الكلمة، ودا خاص بخامسة ) أما رابعة عندكم علامة الجر الكسرة بس

مثال: ( القرية أهلها طيبون ، والشوارع نظيفة وجميلة ) إعرب الشوارع: قبلها حرف عطف، مش هيأثر في الإعراب، لو أخدنا بالنا الشوارع هي أول الجملة الاسمية ، يبقى إعرابها: مبتدأ مرفوع وعلامة رفعه الضمة.

طيب إعراب (نظيفة) هي اسم ، طيب نشوف اللي قبلها ، اللي قبلها مبتدأ، وهي كملت معنى الجملة؛ يبقى إعرابها: خبر مرفوع وعلامة رفعه الضمة.

لو اسم وقبله فعل، هنا بقى نركز.

هنشوف الفعل ده ، مين اللي عمله، ومين اللي اتعمل فيه الفعل ، وشوف بقى الكلمة الي بتعربها، لو هي اللي عملت الفعل، يبقى إعرابها : فاعل مرفوع وعلامة رفعه ………… (حسب نوع الكلمة ، ودا خاص بخامسة) أما رابعة عندكم علامة الرفع الضمة بس؟

أما لو وجدت الكلمة اللي بتعربها، هي اللي اتعملت فيها الفعل، يبقى إعرابها؛ مفعول به منصوب وعلامة نصبه ………… (حسب نوع الكلمة ، ودا خاص بخامسة) أما رابعة عندكم علامة النصب الفتحة بس

مثل : ذاكر محمد الدرس ذاكر فعل ماضي مبني علي الفتح محمد (الي عمل ) فاعل مرفوع بالضمه الدرس (الي اتعمل فيه يعني الي اتذاكر ) مفعول به منصوب بالفتحه

لو لقيت كلمه تدل علي ظرف معين ، يبقى تعربها حسب ظرفها؛ لو تدل على مكان وقوع الفعل تبقى: ظرف مكان.

مثل احمد فوق الشجره اعراب فوق ظرف مكان

لو تدل على زمن حدوث الفعل تبقى: ظرف زمان، مثل ابي يعمل نهارا. اعراب نهارا. ظرف زمان.

لو في مرة بصيت على الكلمة اللي قبلها ومفهمتش منها إعراب، يبقى غالبًا تروح للي قبل قبلها ، زي كدا

إبنك ضعيف في الإعراب

( يزور السائحون مصر ) عايز اعرب مصر، نروح للي قبلها السائحون ، مفهمتش حاجة صح؟! يبقى نروح للي قبل قبلها يزور : فعل. إذن يا بطل فكر ، مين بيزور ؟ السائحون. تبقى فاعل؛ لأنها عملت الفعل. يزوروا ايه؟ مصر، تمام مصر قام عليها عمل الفاعل تبقى مفعول به.

عن Mohamed Shehata

شاهد أيضاً

أول مدرسة متخصصة في التكنولوجيا الزراعية

لطلاب الإعدادية.. أول مدرسة متخصصة في التكنولوجيا الزراعية

أول مدرسة متخصصة في التكنولوجيا الزراعية

اترك تعليقاً

لن يتم نشر عنوان بريدك الإلكتروني.

لا توجد تعليقات للعرض.